收樓執漆全攻略：新樓交樓標準同執修清單

收樓驗牆身：帶咩工具？點樣驗？

驗樓時記得帶：強光電筒（側光照牆最容易見到不平）、美紋膠紙（標記瑕疵位）、粉筆或者可擦筆。驗牆身要「一望二摸三側光」：望有冇色差同刷痕，摸有冇沙粒同凹凸，用電筒側光照有冇波浪紋。

新樓常見油漆瑕疵

• 牆面波浪紋、批灰不平，側光下明顯
• 油漆流掛、滴漏痕
• 色差、補油位明顯
• 牆角、燈掣位、門框邊收口污糟
• 天花裂紋（好多時係結構性沉降紋，要執灰處理）
• 牆身砂眼、氣泡

發展商執修定自己搵師傅？

交樓標準內嘅瑕疵，可以要求發展商免費執修，但要留意：發展商執修排期慢、標準係「交樓標準」而唔係「入住標準」，好多時執完都係一般般。

如果你打算入伙前全屋轉色，或者對牆身平滑度有要求，可以直接搵開工師傅一次過執漆兼翻油，慳返等發展商執修嘅時間。油漆師嘅執灰修補翻油套餐就係為呢類需求而設。

入伙前執漆嘅最佳時機

最理想係訂造傢俬入場之前、地板保護未拆之時做油漆工程，咁樣師傅開工唔使遷就傢俬，完工效果最好。如果已經入咗傢俬都唔使擔心，油漆師開工前會做足傢俬地板保護，完工清潔交場。