旧楼石屎剥落、批荡起壳：成因同正确处理方法

点解旧楼会石屎剥落？

香港好多楼宇楼龄超过三四十年。日积月累嘅湿气渗入石屎，令入面嘅钢筋生锈膨胀，将石屎逼裂逼甩——呢个叫「石屎剥落」或者「爆石屎」。天花、窗楣、厕所厨房天花系重灾区。

批荡起壳就系墙身批荡层同石屎底层甩开，一揿落去有空鼓声，严重嘅会成块冧落嚟。

唔理得唔得？

唔建议。石屎剥落会愈嚟愈严重，天花位置随时跌落嚟伤人；起壳批荡上面点翻油都唔会靓，仲会继续扩散。及早处理，工程细啲、价钱平啲。

正确处理工序

油漆师处理旧楼墙身老化嘅标准做法系铲底批灰翻油：

• 全面家私及地板保护
• 铲走全屋或受影响范围嘅旧漆旧灰，直达石屎底层
• 石屎剥落位：清走松脱石屎、钢筋除锈防锈，再用修补砂浆还原
• 上防潮底漆，隔绝湿气
• 全屋批灰 2-3 层，打磨至平滑
• 涂刷环保面漆 2-3 层

几时要揾埋则师或者验楼师？

一般家居范围嘅石屎剥落同批荡老化，油漆师傅可以直接处理。但如果剥落范围好大、钢筋大面积外露、或者大厦已经收到强制验楼通知，就建议先由专业人士评估结构状况。有怀疑可以影低相 WhatsApp 俾我哋（6039 7774），师傅免费帮你初步判断。